தமிழகத்தில் நிர்வாக காரணங்களுக்காக அவ்வப்போது ஐஏஎஸ் அதிகாரிகள் இடமாற்றம் செய்யப்படுவது வழக்கம். அதன்படி, இன்று தமிழகத்தில் 7 ஐஏஎஸ் அதிகாரிகள் இடமாற்றம் செய்யப்பட்டுள்ளதாக தலைமை செயலாளர் என். முருகானந்தம் உத்தரவிட்டுள்ளார்.

புதிய பதவியிடமாற்ற விவரங்கள்:

1. சஜ்ஜன் ரா சவான் – பொது மற்றும் மறுவாழ்வுத் துறை அரசு சிறப்புச் செயலாளராக இருந்த இவர், தற்போது திட்டம் மற்றும் வளர்ச்சித்துறை அரசு செயலாளராக நியமிக்கப்பட்டுள்ளார்.
2. பால சுப்ரமணியம் – தமிழ்நாடு மாநில தேர்தல் ஆணைய செயலாளராக இருந்த இவர், பொது மற்றும் மறுவாழ்வுத் துறை அரசு கூடுதல் செயலாளராக நியமனம் செய்யப்பட்டுள்ளார்.
3. ஸ்ரீ வெங்கட பிரியா – உள், மதுவிலக்கு மற்றும் ஆயத்தீர்வைத் துறை அரசு கூடுதல் செயலாளராக இருந்த இவர், தற்போது தமிழ்நாடு மாநில தேர்தல் ஆணைய செயலாளராக நியமிக்கப்பட்டுள்ளார்.
4. பானோத் ம்ருகேந்தர் – தூத்துக்குடி மாநகராட்சி ஆணையராக இருந்த இவர், கூட்டுறவு, உணவு மற்றும் நுகர்வோர் பாதுகாப்புத் துறை துணைச் செயலாளராக நியமிக்கப்பட்டுள்ளார்.
5. பிரியங்கா – தற்போது தூத்துக்குடி மாநகராட்சி ஆணையராக நியமிக்கப்பட்டுள்ளார்.
6. ஷரண்யா – சமூக நல இயக்குநரகத்தின் கூடுதல் இயக்குநராக பொறுப்பேற்றுள்ளார்.
7. ஸ்வேதா மேனன் – தமிழ்நாடு தொழில் வளர்ச்சி நிறுவனத்தின் செயல் அலுவலராக நியமிக்கப்பட்டுள்ளார்.

இந்த இடமாற்ற உத்தரவுகள் உடனடியாக அமலுக்கு வந்துள்ளதாக அரசு அறிவித்துள்ளது.