தூத்துக்குடி, திருநெல்வேலி மற்றும் தென்காசி மாவட்டங்களில் 22ஆம் தேதி முதல் தொடர்ந்து கனமழை பெய்து வருவதால், தாமிரபரணி ஆற்றில் நீர்வரத்து வேகமாக அதிகரித்துள்ளது.

இன்று (23.11.2025) பிற்பகல் 3 மணி நிலவரப்படி, மருதூர் அணைக்கட்டிலிருந்து 15,250 கனஅடி நீரும், திருவைகுண்டம் அணைக்கட்டிலிருந்து 11,060 கனஅடி நீரும் திறந்துவிடப்பட்டு தாமிரபரணி ஆற்றில் சேர்ந்து வருகிறது. அதேபோல், கோரம்பள்ளம் அணைக்கட்டிலிருந்து சுமார் 1,000 கனஅடி நீர் உப்பாத்து ஓடையில் திறக்கப்பட்டுள்ளது.

மொத்தம் 1083.70 மிமீ மழை பதிவு செய்யப்பட்டு உள்ளது. சராசரி மழை 57.04 மிமீ, இது மிதமான மழை என வகைப்படுத்தப்பட்டுள்ளது.

அதிக மழை பெற்ற பகுதிகள்:

திருச்செந்தூர் – 133.00 மிமீ (மிகவும் கனமழை)

கயல்பட்டினம் – 103.00 மிமீ (கனமழை)

குளசேகரப்பட்டினம் – 129.00 மிமீ (மிகவும் கனமழை)

சாத்தன்குளம் – 94.00 மிமீ

காயத்தார் – 113.00 மிமீ (கனமழை)

மிதமான/லேசான மழை:

தூத்துக்குடி, கோவில்பட்டி, விலாத்திகுளம், ஒட்டப்பிடாரம் உள்ளிட்ட பல பகுதிகளில் மிதமான மழைபதிவாகியுள்ளது.

இதனைத் தொடர்ந்து, மருதூர்–திருவைகுண்டம் அணைக்கட்டு பகுதிகள் மற்றும் கலியாவூர் முதல் புன்னக்காயல் வரையிலான தாமிரபரணி ஆற்றங்கரையோர கிராமங்களில் வசிக்கும் பொதுமக்கள் மிகுந்த எச்சரிக்கையுடன் இருக்குமாறு மாவட்ட ஆட்சியர் க. இளம்பகவத், தெரிவித்துள்ளார்.