தூத்துக்குடி மாநகராட்சி சார்பில் ஒவ்வொரு புதன்கிழமையிலும் நடைபெறும் பொதுமக்கள் குறைதீர்க்கும் முகாம், பழைய நகராட்சி கிழக்கு மண்டல அலுவலகத்தில் நடைபெற்றது. இம்முகாமிற்கு மேயர் ஜெகன் பொறியசாமி தலைமை வகித்தார். மாநகராட்சி ஆணையர் பிரியங்கா முன்னிலை வகித்தார். மண்டல தலைவர் கலைச்செல்வி வரவேற்புரையாற்றினார்.

முகாமை தொடங்கி வைத்து பேசிய மேயர் ஜெகன் பொறியசாமி, முதலமைச்சர் மு.க. ஸ்டாலின் உத்தரவின்படி இந்த குறைதீர்க்கும் முகாம் தொடர்ந்து நடைபெற்று வருகிறது. இணையதளத்தின் மூலம் வரும் பொதுமக்கள் பதிவுகளும் கவனமாக பரிசீலித்து செயல்படுத்தப்படுகின்றன. கடந்த ஒன்றரை ஆண்டுகளாக நான்கு மண்டலங்களிலும் முகாம்கள் நடைபெற்று வருகின்றன. இதற்கு பொதுமக்கள் மத்தியில் நல்ல ஆதரவு கிடைக்கிறது,” என்றார்.

அவர் மேலும் கூறியதாவது:

இந்த மண்டலத்தில் இதுவரை 810 மனுக்கள் பெறப்பட்டதில் 791 மனுக்கள் தீர்வு கண்டுள்ளன; 19 மனுக்கள் செயல்பாட்டில் உள்ளன.

• உங்களுடன் ஸ்டாலின்’ முகாமில் கிடைத்த 1253 மனுக்களில் 1153 மனுக்கள் தீர்க்கப்பட்டுள்ளன.

• 60 வார்டுகளிலும் பாரபட்சமின்றி பணிகள் நடைபெற்று வருகின்றன.
• 57 வார்டுகளில் மழைநீர் தேங்காத வகையில் வடிகால் வசதிகள் செய்யப்பட்டுள்ளன.
• 3 வார்டுகளில் சில பகுதிகளில் மட்டும் நீர் தேங்கல் நிலுவையில் இருந்தாலும், அவை உடனுக்குடன் மின்மோட்டார் மூலம் அகற்றப்படுகின்றன.
• கடந்த மழைக்காலத்தில் 9 செ.மீ. மழையிலும் 2 மணி நேரத்திற்குள் நீர் அப்புறப்படுத்தப்பட்டது.
• இனி 10 செ.மீ. வரை மழை பெய்தாலும் மாநகராட்சி தயாராக உள்ளது; பொதுமக்கள் அச்சப்பட வேண்டாம்.
• இதுவரை 4000க்கும் மேற்பட்ட புதிய சாலைகள் அமைக்கப்பட்டுள்ளன.
• சிறுகுறு தெருக்களில் பேவர் ப்ளாக் சாலைகள் அமைக்கப்பட்டுள்ளன; பொதுமக்கள் பயணத்திற்கே பயன்படுத்த வேண்டும்; ஆக்கிரமிப்பு செய்யக்கூடாது.
• நகரில் இருந்த 3 பூங்காக்கள் தற்போது 53 ஆக உயர்ந்துள்ளன; உடற்பயிற்சி மற்றும் விளையாட்டு வசதிகள் புதிதாக அமைக்கப்பட்டுள்ளன.
• மாவட்ட விளையாட்டு அரங்கில் சுருள் வாள் உள்ளிட்ட விளையாட்டுகளுக்கான பயிற்சி மையம் அமைக்கப்படும்.
• நகர வளர்ச்சிக்கான ஆலோசனைகளை பள்ளி மாணவர்கள் முதல் முதியோர் வரை அனைவரும் இணையதளம் வாயிலாக வழங்கலாம்; வழங்கும் கருத்துகள் அனைத்தும் கவனத்தில் எடுக்கப்படும், என்றார்.

மக்கள் கருத்து – புதிய தனி தளம் விரைவில் அறிமுகம் செய்யப்படுகிறது.

இந்த தளத்தின் மூலம் மாநகர வளர்ச்சி, பொதுச் சேவை குறைகள், மற்றும் மேம்பாட்டு ஆலோசனைகளை நேரடியாகப் பதிவு செய்யலாம்.

உங்கள் கருத்துகள் அனைத்தும் கவனத்தில் கொண்டு நடவடிக்கை எடுக்கப்படும். 

பின்னர், மனு அளித்தவர்களில் ஒருவருக்கு பிறப்புச் சான்றிதழும், மற்றொருவருக்கு பெயர் மாற்றச் சான்றிதழும் வழங்கப்பட்டது.

நிகழ்ச்சியில் உதவி ஆணையர் வெங்கட்ராமன், நகரமைப்பு செயற்பொறியாளர் வேலாயுதம், உதவி செயற்பொறியாளர்கள் முனீர் அகமது, ராஜேஷ்கண்ணா, சுகாதார ஆய்வாளர்கள் ராஜசேகர், தீனதயாளன், பிரித்திகா, இளநிலை பொறியாளர் பாண்டி, உதவி பொறியாளர்கள் அனுசௌந்தர்யா, அபிலாவண்யா, தொழில்நுட்ப உதவியாளர் சரன்பிரசாத், சுகாதார குழு தலைவர் சுரேஷ்குமார், கணக்குக் குழு தலைவர் ரெங்கசாமி, கவுன்சிலர்கள் ராமுஅம்மாள், எடின்டா, தனலட்சுமி, பேபி ஏஞ்சலின், மகேஸ்வரி, பகுதி பிரதிநிதிகள் பிரபாகர், ஜேஸ்பர், மீனவரணி அமைப்பாளர் டேனியல், மேயரின் நேர்முக உதவியாளர் ரமேஷ், ஆணையரின் உதவியாளர் துரைமணி உட்பட பொதுமக்கள் மற்றும் அரசு அதிகாரிகள் பலர் கலந்து கொண்டனர்.