கரூர் வேலுச்சாமிபுரத்தில் தவெக தலைவர் விஜய் பிரசாரக் கூட்ட நெரிசலில் சிக்கி குழந்தைகள் பெண்கள் உட்பட்ட 40 பேர் உயிரிழந்தனர். முதலமைச்சர் மு.க.ஸ்டாலின் உடனடியாக சென்னையிலிருந்து தனி விமானம் மூலம் நள்ளிரவில் கரூர் வந்து உயிரிழந்தவர்களுக்கு அஞ்சலி செலுத்தி, உறவினர்களுக்கு ஆறுதல் கூறினார். தொடர்ந்து மருத்துவமனையில் சிகிச்சை பெற்று வருபவர்களை சந்தித்தும் ஆறுதல் கூறினார்.

இதனையடுத்து கரூரில் நேற்று தவெக தலைவர் விஜய் பிரச்சாரம் செய்தபோது ஏற்பட்ட கூட்ட நெரிசலில் சிக்கி உயிரிழந்த 40 பேர்களின் குடும்பங்களை நேரில் சந்தித்து, திமுக துணை பொதுச் செயலாளரும், நாடாளுமன்ற திமுக குழுத் தலைவருமான கனிமொழி கருணாநிதி எம்.பி ஆறுதல் தெரிவித்ததுடன், தமிழ்நாடு அரசு அறிவித்த நிதி உதவி ரூபாய் 10 லட்சத்துக்கான காசோலையை வழங்கினார்.

உடன் கரூர் மாவட்ட திமுக செயலாளர் செந்தில் பாலாஜி எம்.எல்.ஏ., நாடாளுமன்ற உறுப்பினர் ஜோதிமணி உள்ளிட்டோர் உடனிருந்தனர்.