December 1, 2025
#தமிழகம்

12 ஆம் வகுப்பு பொதுதேர்வில் ஓரே மதிப்பெண் பெற்ற அசத்திய இரட்டையர்.

திருப்பத்தூர் மாவட்டம் வாணியம்பாடி வாணி மெட்ரிக் மேல்நிலைப்பள்ளியில் 12ஆம் வகுப்பு அரசு பொதுதேர்வில் ஓரே மதிப்பெண் பெற்ற பெண் இரட்டையர்களை பள்ளி நிர்வாகத்தினர் பாராட்டினர்.

வாணியம்பாடி அடுத்த சின்னபள்ளிக்குப்பம் ஊராட்சி ஈச்சம்பட்டு பகுதியை சேர்ந்தவர் கே.கோவிந்தராஜ், இவரது மனைவி இளவரசி. இவர்களுக்கு ஹரிதா, ஹரிணி ஆகிய இரட்டையர் பெண் குழந்தைகள் ஆவர். இவர்கள் இருவரும் வாணியம்பாடி வாணி மெட்ரிக் மேல்நிலைப்பள்ளியில் 12 ஆம் வகுப்பு பயின்று வந்து தேர்வு எழுதினர். 

இந்நிலையில் கடந்த 8 ஆம் தேதி வெளியான 12 ஆம் பொதுதேர்வில் இரட்டையர்களான ஹரிதா, ஹரிணி ஆகிய இருவரும் தலா 573 மதிப்பெண் பெற்று அதிசய சாதனை படைத்துள்ளனர்.

அதிசய ஒற்றுமையாக ஓரே மதிப்பெண் பெற்ற இரட்டையர்களை வாணி கல்வி அறக்கட்டளை தலைவரும், ஜோலார்பேட்டை சட்டமன்ற உறுப்பினருமான க.தேவராஜி, செயலாளர் கந்தசாமி, பொருளாளர் பி.நடராஜன், துணைத் தலைவர் எம்.கோபால், செயலாக்க அறங்காவலர் பூபதி, துணை செயலாளர்கள் ராஜா, கருணாநிதி, பள்ளி முதல்வர் சந்திரசேகரன், துணை முதல்வர் முத்தப்பன் மற்றும் அறக்கட்டளை நிர்வாகிகள், உறுப்பினர்கள் மற்றும் ஆசிரியர்கள் பாராட்டினர்.