கோவை விமான நிலையம் அருகே கல்லூரி மாணவிக்கு ஏற்பட்ட பாலியல் கொடுமையை கண்டித்து, தமிழகமெங்கும் பாரதிய ஜனதா கட்சி மகளிர் அணியினர் இன்று (வியாழக்கிழமை) மாபெரும் கண்டன ஆர்ப்பாட்டங்களை நடத்தினர்.
தூத்துக்குடி தெற்கு மாவட்ட பாஜக சார்பாக, தமிழ் சாலையில் உள்ள விவிடி சிக்னல் அருகில் மகளிர் அணி சார்பாக கண்டன ஆர்ப்பாட்டம் நடைபெற்றது.
பாதிக்கப்பட்ட மாணவிக்கு நீதி கிடைக்கவும், இதுபோன்ற சம்பவங்கள் இனி நடைபெறாமல் தடுக்கவும் ஆர்ப்பாட்டத்தில் பங்கு கொண்டோர் கோஷங்கள் எழுப்பினர்.
மகளிர் அணி மாநில பொதுச்செயலாளர் தேன்மொழி பேசுகையில்,
தமிழகத்தில் திமுக ஆட்சியில் பெண்களுக்கு பாதுகாப்பு குறைந்துவிட்டது. கோவை மாணவிக்கு ஏற்பட்ட சம்பவம் இதற்குக் கடும் எடுத்துக்காட்டு. மாநிலம் முழுவதும் பெண்களுக்கு பாதுகாப்பான சூழல் உருவாக்க அரசாங்கம் முற்றிலும் தோல்வியடைந்துள்ளது.
இன்றைய இளைஞர்கள் மற்றும் மாணவர்கள் மது, போதைப்பொருள் போன்றவற்றில் சிக்கிக் கொள்வதால் தான் இத்தகைய அருவருப்பான குற்றங்கள் நடைபெறுகின்றன. அரசு இவ்வாறு நடைபெறும் குற்றங்களைத் தடுக்க கடுமையான நடவடிக்கை எடுக்க வேண்டும்” எனக் கடும் கண்டனம் தெரிவித்தார்.
திமுக ஆட்சியில் போதைக்கு அடிமையான இளைஞர்கள் கூட்டம் பெருகிக்கொண்டே போகிறது இதை தடுக்க முன்வராமல் மதுபான கடையின் வருமானத்தை எப்படி பெருக்குவது இருப்பதை இந்த அரசு சிந்திக்கின்றது இளைஞர்கள் மதுபோதையில் சீரழிவு பற்றி இவர்கள் சிந்திப்பதே இல்லை. என கடுமையாக விமர்சித்தார்.
மேலும் மாநில செயற்குழு உறுப்பினர் தக்ஷனா, மகளிர் அணி மாவட்டத் தலைவர் வெள்ளத்தாய், வடக்கு மாவட்ட மகளிர் அணி பொதுச்செயலாளர் ஜமுனா, பிரச்சாரப் பிரிவு மாவட்ட செயலாளர் அனுசுயா ஆகியோர் கலந்து கொண்டு உரையாற்றினர். ஆர்ப்பாட்டத்திற்கு மாவட்டத் தலைவர் சித்ராங்கதன் தலைமையேற்றார். மாவட்ட துணைத்தலைவர்கள் சிவராமன், வழக்கறிஞர் வாரியார், முத்துராமலிங்கம், மாவட்ட பொது செயலாளர் ஆறுமுகம் செல்வராஜ், மாநில செயற்குழு உறுப்பினர்கள் விவேகம், ரமேஷ், ராஜா, கண்ணன் உள்ளிட்டோர் கலந்து கொண்டனர்.
