சென்னை: பள்ளிகளுக்கு தமிழக அரசு முக்கிய உத்தரவை பிறப்பித்துள்ளது. இதனை மீறினால் கடும் நடவடிக்கை எடுக்கப்படும் என்றும் அரசு தரப்பில் எச்சரிக்கப்பட்டுள்ளது.

இதில் 12-ம் வகுப்பு பொதுத் தேர்வை 8,21,057 பேர் எழுதஅனுமதிக்கப்பட்டனர். 11ம் வகுப்பு தேர்வை மொத்தம் 8,23,261 பேரும், 10-ம் வகுப்பு பொதுத்தேர்வை மொத்தம் 9,13,036 பேரும் எழுதினர்.

மேலும் இத்தேர்வுகள் தமிழகத்தில் மார்ச் 3 முதல் 25 வரை பன்னிரண்டாம் வகுப்பு தேர்வுகள் நடைபெற்றன.அதேபோல், மார்ச் 5 முதல் 27 வரை பிளஸ் ஒன் வகுப்பு தேர்வுகளும், மார்ச் 28 முதல் ஏப்ரல் 15 வரை பத்தாம் வகுப்பு தேர்வுகளும் நடைபெற்றன.

பள்ளி தேர்வுகள் முடிந்து மார்ச் 26-ம் தேதி முதல் கோடை விடுமுறை தொடங்கிய நிலையில், மாணவர்கள் மற்றும் பெற்றோர்கள் தேர்வு முடிவுகளுக்காக காத்திருக்கின்றனர்.

இந்த சூழ்நிலையில் கோடை வெயில் அதிகமாகி, கத்திரி வெயில் தொடங்கவுள்ளது. இதனால் வெயிலின் தாக்கம் ஜூன் மாதம் வரை இருக்கும் என கணிக்கப்படுகிறது. மேலும் பள்ளிகள் திறக்கும் தேதி தள்ளிப்போகுமா என பெற்றோர்கள் மத்தியிலும், மாணவர்கள் மத்தியிலும் கேள்வி எழுந்துள்ளது.

இதற்கிடையே தமிழகத்தில் சில மாவட்டங்களில் உள்ள தனியார் பள்ளிகளில் வரும் கல்வியாண்டில் பொதுத் தேர்வு எழுதவிருக்கும் 10 மற்றும் 12 ஆம் வகுப்பு மாணவர்களுக்கு சிறப்பு வகுப்புகள் நடத்தி வருவதாக கூறப்படுகிறது. சில பள்ளிகள் நேரடியாக சிறப்பு வகுப்புகளை நடத்தாமல் ஆன்லைனில் வகுப்பு நடத்துவதாக கல்வித் துறைக்கு புகார்கள் வந்துள்ளன,இந்நிலையில் கோடை விடுமுறையில் எந்தவொரு சிறப்பு வகுப்புகளும் நடத்தக் கூடாது என்று பள்ளிகளுக்கு கல்வித் துறை அறிவுறுத்தியுள்ளது. இதனை மீறி சிறப்பு வகுப்புகள் நடத்தினால் சம்பந்தப்பட்ட பள்ளிகள் மீது கடும் நடவடிக்கை எடுக்கப்படும் என்றும் பள்ளிக் கல்வித் துறை எச்சரித்துள்ளது.