தமிழகத்தில் ஜல்லி, எம்.சாண்ட், பி சாண்ட் ஆகியவற்றின் விலையை குறைத்து விற்பனை செய்ய உத்தரவிடப்பட்டுள்ளது.
தமிழகத்தில் கட்டுமான பொருட்களான ஜல்லி, எம்.சாண்ட் ஆகியவற்றின் விலை உயர்ந்து வந்தது. ஒரு யூனிட் ஜல்லி விலை ரூ.4 ஆயிரத்தில் இருந்து ரூ.5 ஆயிரமாகவும், எம்.சாண்ட் விலை ரூ.5 ஆயிரத்தில் இருந்து ரூ.6 ஆயிரமாகவும், பி.சாண்ட் விலை ரூ.6 ஆயிரத்தில் இருந்து ரூ.7 ஆயிரமாகவும் அதிகரித்து விற்பனையானது.
இந்நிலையில் கட்டுமான பொருட்களின் விலையை கட்டுப்படுத்தி ஒழுங்குபடுத்த கட்டுமான பொருட்களுக்கான ஒழுங்குமுறை ஆணையத்தை ஏற்படுத்த வேண்டும் என்று கோரிக்கை எழுந்தது.
இதனையடுத்து சென்னை, தலைமைச் செயலகத்தில் (27.04.2025) நீர்வளத் துறை அமைச்சர் துரைமுருகன் தலைமையில், கல்குவாரி. கிரஷர்கள் மற்றும் லாரி உரிமையாளர்கள் சங்கத்தின் கோரிக்கைகள் தொடர்பான கூட்டம் நடைபெற்றது.நிர்வாகிகள் கூட்டத்தில் விலை உயர்வுக்கு காரணமாக இருந்த சீனியரேஜ் தொகையை குறைக்க வேண்டும் என்ற கோரிக்கை விடுத்தனர் அதில் உடன்பாடு எட்டப்பட்டது.
அதன் பின்னர் ஜல்லி மணல் விலை குறைப்பு :
சாதாரண கற்கள் மீதான சீனியரேஜ் தொகையை மெட்ரிக் டன் ஒன்றுக்கு ரூ.33 ஆக நிர்ணயித்திடவும் முடிவு.
எம்.சாண்டு, பி.சாண்டு வகை மணல் மற்றும் ஜல்லி விலையில் ரூபாய்.1000 குறைத்து விற்பனை செய்ய தமிழ்நாடு அரசு உத்தரவிட்டுள்ளது.
சாதாரண கற்கள் மீதான சீனியரேஜ் தொகையை மெட்ரிக் டன் ஒன்றுக்கு ரூ.33 ஆக நிர்ணயிக்கவும் தமிழ்நாடு அரசு உத்தரவிட்டுள்ளது.
இக்கூட்டத்தில், இயற்கை வளங்கள் துறை கூடுதல் தலைமைச் செயலாளர் பணீந்திர ரெட்டி, புவியியல் மற்றும் சுரங்கத் துறை ஆணையர் எ. சரவணவேல்ராஜ், கல்குவாரி, கிரஷர் மற்றும் லாரி உரிமையாளர்கள் சங்கத்தின் தலைவர் சின்னசாமி ஆகியோர் கலந்துகொண்டனர்.
