கனிமொழி கருணாநிதி அவர்கள் தனது” X” வலைதளத்தில் அமெரிக்கா விதித்த 50%  கூடுதல் வரியால் கடல் உணவு ஏற்றுமதியாளர்கள் பாதிப்படைவதாகவும் இது குறித்து மத்திய அரசு என்ன செய்கிறது என கேள்வி எழுப்பியிருந்தார்.

தூத்துக்குடி / திருப்பூர் :அமெரிக்கா விதித்த 50% வரி காரணமாக, தூத்துக்குடியில் இருந்து ஏற்றுமதி செய்யப்பட்ட கடல் உணவுகள் கடலிலேயே திருப்பி அனுப்பப்படுகின்றன. அதேபோல், திருப்பூர் ஜவுளி ஏற்றுமதிகளும் சவால்களை எதிர்கொள்கின்றன.

கனிமொழியின் கேள்வி:திமுக நாடாளுமன்ற உறுப்பினர் கனிமொழி கருணாநிதி தனது X வலைதளத்தில் : “மத்திய அரசு, மீனவர்கள் மற்றும் தொழிலாளர்களின் வாழ்வாதாரத்தை பாதுகாக்க நடவடிக்கை எடுக்குமா? அல்லது வழக்கம்போல் கைவிடுமா?” என்று பதிவிட்டார்.

இதற்கு விளக்கம் அளித்தார், பாரதிய ஜனதா கட்சி, தகவல் தொழில்நுட்பம் மற்றும் சமூக ஊடக பிரிவு, மாவட்ட துணைத் தலைவர், தூத்துக்குடி தெற்கு மாவட்டம் R. ஜெயக்குமார் கூறுகையில் :

அமெரிக்காவின் திடீர் வரி உயர்வு சவால் தந்தாலும், மத்திய அரசு அதற்கான மாற்று வழிகளை தேடி வருகிறது. திருப்பூர் ஜவுளி : யூரோப், கனடா, ஆப்பிரிக்கா போன்ற புதிய சந்தைகளில் ஏற்றுமதி ஏற்பாடு செய்யப்படுகிறது.

தூத்துக்குடி கடல் உணவு : மத்திய கிழக்கு, ஜப்பான், கொரியா, தென்கிழக்கு ஆசியா நாடுகளுக்கு ஏற்றுமதி அதிகரிக்கப்படும். மீனவர் பாதுகாப்பு : PM Matsya Sampada திட்டம் மூலம் நிதி உதவி, காப்பீடு, வட்டித் தள்ளுபடி வழங்கப்படுகிறது.எந்த நிலையிலும் மீனவர்களையும் ஜவுளி தொழிலாளர்களையும்  மத்திய அரசு கைவிடாது  அமெரிக்கா விதித்த அதிக வரி – புதிய சந்தைகளை நோக்கி இந்தியா முன்னேறுகிறது.

அமெரிக்க தடைகள் – இந்தியா தன்னம்பிக்கையுடன் எதிர்த்து சாதித்த வரலாற்றை சற்று உற்று நோக்கினால் அமெரிக்காவின் கண்ணாமூச்சி ஆட்டம் இந்தியாவிடம் பலிக்காது.

1971–1965.  1965 ஆம் ஆண்டில் இந்தியா–பாகிஸ்தான் போர் நடந்தபோது, அமெரிக்க அரசு உணவு மற்றும் இராணுவ உதவியை இடைநிறுத்தியது. இது இந்தியாவின் வேளாண் மற்றும் பாதுகாப்பு துறைகளுக்கு சவால் இருந்தது. ஆனால் இந்திய அரசு தன்னம்பிக்கையுடன் எதிர்நிலைத்தது, பின்னர் உடனடித் தடைகள் நீக்கப்பட்டன.

1974 (போகரான்-I அணு சோதனை)

இந்திரா காந்தியின் தலைமையில் இந்தியா தனது முதல் அணு சோதனையை மேற்கொண்டது. இதையடுத்து அமெரிக்கா இந்தியாவிற்கு பல்வேறு பொருளாதார தடைகளை விதித்தது—அமெரிக்க நிதிய உதவி, செலக்கடன், இராணுவ உதிரிகள், தொழில்நுட்ப அனுமதிகள் அனைத்தும் நிறுத்தப்பட்டன .

அதுமட்டுமின்றி. பாஜக ஆட்சிக்காலத்தில், அமெரிக்கா பல தடைகளை விதித்தது. குறிப்பாக 2018-2019 ஆண்டுகளில் டொனால்ட் ட்ரம்ப் ஆட்சியில், இந்திய பொருட்களுக்கு (இரும்பு, அலுமினியம், துணிநூல், கடல் உணவு போன்றவை) கூடுதல் வரி விதிக்கப்பட்டது. “ஜெனரலைஸ்டு சிஸ்டம் ஆஃப் பிரிபரன்ஸ்” (GSP) எனப்படும் சிறப்பு சலுகையை அமெரிக்கா ரத்து செய்தது.

ஆனால் இந்தியா அதில் தடுமாறாமல், தன்னுடைய உள்நாட்டு சந்தையை வலுப்படுத்தியும், புதிய ஏற்றுமதி சந்தைகளைத் தேடியும் சாதனை படைத்தது. அதேபோல் பிரிக்ஸ் கூட்டமைப்பில் (BRICS) இந்தியா முக்கியப் பங்கு வகித்தது. பிரிக்ஸ் நாடுகளின் வளர்ச்சி அமெரிக்காவுக்கு மிகுந்த கவலைக்குரியதாக அமைந்தது. காரணம் – பிரிக்ஸ் வங்கிகள், பரிமாற்ற முறைமைகள், மற்றும் பொருளாதார கூட்டாண்மை ஆகியவை டாலர் ஆதிக்கத்தை சவாலுக்கு உட்படுத்துகின்றன.

2017–2019: ட்ரம்ப் ஆட்சியில் “America First” கொள்கையால், இந்தியா உள்ளிட்ட பல நாடுகளுக்கு வர்த்தகத் தடைகள் விதிக்கப்பட்டது.

2020 கொரோனா காலம்: இந்தியா அமெரிக்காவுக்கு மருந்துகளை (Hydroxychloroquine) ஏற்றுமதி செய்ய மறுத்தபோது, ட்ரம்ப் இந்தியாவை மிரட்டியிருந்தார். பின்னர் பேச்சுவார்த்தையால் தீர்வு காணப்பட்டது.

H1-B விசா: இந்திய IT துறைக்கு முக்கியமான H1-B வேலைவாய்ப்பு விசாவை நிறுத்தியதும், இந்திய தொழில்நுட்ப வல்லுநர்களுக்கு பெரும் சவாலாக இருந்தது.

இந்தியாவின் பதில் – தடையை சாதனையாக மாற்றியது.

தொழில்நுட்பம் மற்றும் பாதுகாப்பு – அமெரிக்காவே பிறகு இந்தியாவுடன் மீண்டும் ஒப்பந்தங்களில் கையெழுத்திட்டது (பிரதானமாக பாதுகாப்பு, சிப் உற்பத்தி, விமானங்கள் வாங்குதல் போன்றவை).

ட்ரம்பின் தன்னிச்சையான முடிவுகளால் அமெரிக்கா பல நாடுகளின் எதிர்ப்பைச் சந்தித்தது. ஆனால் இந்தியா தன்னுடைய நிலைப்பாட்டை சுமூகமாக விளக்கிக் கொண்டு, “உலக நண்பன்” (Vishwaguru) என்ற வகையில் முன்னேறியது

“நாட்டின் வளர்ச்சி பாதையை கைவிடாமல், உலக சந்தை சவால்களைக் கூட வாய்ப்பாக மாற்றி வருகிறது, பிரதமர் நரேந்திர மோடி அரசு. ஆனால் சிலர் அரசியலுக்காக அச்சம் கிளப்ப முயல்கிறார்கள். உண்மையில் செயல்படுபவர்களுக்கும், சமூக வலைத்தளத்தில் குற்றம் சாட்டுபவர்களுக்கும் உள்ள வித்தியாசத்தை மக்கள் நன்கு அறிவார்கள்” என பாஜக தகவல் தொழில்நுட்பம் மற்றும் சமூக ஊடக பிரிவு, தூத்துக்குடி தெற்கு மாவட்ட துணைத் தலைவர் R. ஜெயக்குமார் விளக்கம் அளித்தார்.