மகாராஷ்டிரா சட்டப்பேரவைக் கூட்டத்தில் பேசிய முதல்வர் தேவேந்திர ஃபட்னவீஸ், இந்து, பெளத்த மற்றும் சீக்கிய மதங்களைச் சேர்ந்தவர்களுக்கே பட்டியல் சாதி (SC) இடஒதுக்கீடு வழங்கப்படும் என தெரிவித்தார்.
மற்ற மதங்களைச் சேர்ந்தவர்கள் போலியாக (எஸ்.சி) சான்றிதழ் பெற்று, அரசு வேலை மற்றும் நிதியுதவிகள் உள்ளிட்ட சலுகைகளை பெற்றிருந்தால், அந்த சான்றிதழ்கள் ரத்து செய்யப்படும் என்றும், பொய்யான சான்றிதழ் அடிப்படையில் தேர்தலில் வெற்றி பெற்றிருந்தால், அந்த வெற்றியும் செல்லாததாக அறிவிக்கப்படும் என்றும் எச்சரித்தார்.
இந்தக் கருத்துகள், 2024 நவம்பர் 26 அன்று உச்ச நீதிமன்றம் அளித்த தீர்ப்பின் அடிப்படையில் முன்வைக்கப்பட்டன.மேலும், மதமாற்ற தடைச் சட்டம் விரைவில் கொண்டு வரப்படும் என்றும், அது மாநில குளிர்கால சட்டப்பேரவை கூட்டத்தொடரில் தாக்கல் செய்யப்படும் என்றும் ஃபட்னவீஸ் கூறினார்.இச்சட்டம், இந்தியாவின் பிற 10 மாநிலங்களில் இருந்து மேம்பட்டும், கடுமையான அம்சங்களை கொண்டிருக்கும் என்றும் அவர் வலியுறுத்தினார்.
