தூத்துக்குடி மாவட்டம் திருச்செந்தூர் அருகே உள்ள அமலி நகர் மீனவ கிராமத்தில், நாம் தமிழர் கட்சி ஒருங்கிணைப்பாளர் சீமான், கடல் மாநாடு நடத்தும் நோக்கில் மீனவர்களுடன் கலந்துரையாடி, கடலுக்குள் சென்று ஆய்வு மேற்கொண்டார்.

இதற்கு முன்பு, சீமான் ஆகஸ்ட் 30-ம் தேதி திருத்தணியில் ‘மரங்களின் மாநாடு’, கடந்த மாதம் 27-ம் தேதி தருமபுரியில் ‘மலைகளின் மாநாடு’ ஆகியவற்றை நடத்தியிருந்தார். இதன் தொடர்ச்சியாக, தூத்துக்குடியில் ‘கடல் மாநாடு’ மற்றும் தஞ்சையில் ‘தண்ணீர் மாநாடு’ நடத்தப்போவதாக அவர் அறிவித்திருந்தார்.

அதன்படி, கடல் மாநாட்டை நடத்துவதற்கான முன்னேற்பாடாக மீனவர்களின் கருத்துகளை அறிந்து, கடலுக்குள் சென்று ஆய்வு செய்ததாக தெரிவிக்கப்பட்டுள்ளது.