ஊராட்சிகளுக்கு ஓனர்களா செயலர்கள்? காற்றில் பறக்கவிடப்பட்ட அரசு உத்தரவு! பணியிட மாறுதல் எப்போது? என்ற கேள்வி மக்கள் மத்தியில் எழுந்துள்ளது.

தமிழகத்தில் பல மாவட்டங்களின் உள்ளாட்சி அமைப்புகளின் பதவிக் காலம் நிறைவடைந்துள்ள நிலையில், ஊராட்சிகள் பிடிஓக்கள் மேற்பார்வையில் ஊராட்சி செயலர்கள் மூலம் நிர்வகிக்கப்பட்டு வருகிறது. இந்நிலையில், ஊராட்சி செயலாளர்கள் ஒரே கிராம ஊராட்சியில் தொடர்ந்து பல ஆண்டுகள் பணிபுரிவதை தடுக்கும் பொருட்டு பணி மாறுதல் வழங்க நடவடிக்கை எடுக்க ஊரக வளர்ச்சித் துறை இயக்குனர் அனைத்து மாவட்ட ஆட்சியர்களுக்கும் உத்தரவிட்டிருந்தார். ஆனால் இதுவரை பணியிட மாற்றம் நடக்கவில்லை எனக் கூறப்படுகிறது.

தமிழ்நாட்டில், 28 மாவட்டங்களில் உள்ள உள்ளாட்சி அமைப்பு பிரதிநிதிகளின் பதவிக் காலம் கடந்த ஜனவரி மாதம் முடிவடைந்ததையடுத்து, அந்த உள்ளாட்சி அமைப்புகளின் நிர்வாகத்தினைக் கவனிக்க தனி அலுவலர்கள் நியமிக்கப்பட்டனர்.

இதனையடுத்து, மாவட்ட ஊராட்சிகள், ஊராட்சி ஒன்றியங்கள், ஊராட்சி அலுவலகங்கள் தனி அலுவலர்களின் கட்டுப்பாட்டில் செயல்பட்டு வருகின்றன

இந்நிலையில், அரசு அலுவலகங்களில் பதவிக் காலம் முடிந்த உள்ளாட்சி அமைப்பு பிரதிநிதிகளின் தலையீடு அதிகரித்து வருவதாகக் குற்றச்சாட்டு முன்வைக்கப்படுகிறது. உள்ளாட்சி அமைப்புகளில் அடிப்படைப் பணிகளுக்கான ஒப்பந்ததாரர் தேர்வு, புதிய மனைப் பிரிவுகளுக்கு ஒப்புதல் வழங்குவது, கட்டுமானப் பணிகளுக்கு அனுமதி வழங்குவது என அனைத்திலும் பதவிக் காலம் முடிந்த உள்ளாட்சி அமைப்புகளின் பிரதிநிதிகள் தலையிடுவதாகவும், தங்களைக் கேட்காமல் எந்தப் பணிகளையும் மேற்கொள்ளக்கூடாது என்று அதிகாரிகளுக்கு வாய்மொழி உத்தரவு போடுவதாக புகார் எழுந்துள்ளது.

இது இப்படியிருக்க வட்டார வளர்ச்சி அலுவலர்கள், அவர்கள் ஒன்றியத்தின். கீழ்வரும் ஒப்பந்ததாரர்கள் மற்றும் அவர்கள் கீழ் பணிபுரியும் ஊராட்சி செயலர்களிடம் வாய்மொழி உத்தரவுவாக பிறப்பிக்கப்பட்ட உத்தரவு, ஒப்பந்ததாரர்கள் எந்த வேலை ஊராட்சி பகுதிகளில் எடுக்க கமிஷன் முன்னதாக கட்டவேண்டும்.அதேபோல் பொது மக்களுக்கு அரசு ஒதுக்கீட்டில் வரும் பயனாளர் குடியிருப்பு கட்டுமானத்திற்கு கமிஷன் கண்டிப்பாக  கொடுக்கவேண்டும்,இதை பிடிஒ மற்றும் டெப்டி பிடிஒ  பகிர்ந்து கொள்வார்கள்.

இது ஒருபுறம் இருக்க ஊராட்சி தலைவர்கள் இல்லாத நிலையில் ஊராட்சி பகுதிகள் வட்டார வளர்ச்சி அலுவலர் எனும் பிடிஓ மேற்பார்வையில் ஊராட்சி செயலாளர்களால் நிர்வகிக்கப்பட்டு வருகிறது. இந்த நிலையில் சில ஊராட்சி செயலர்கள் பல ஆண்டுகளாக ஒரே ஊராட்சியில் பணியாற்றி வருகின்றனர். மேலும் அவர்கள் கிட்டத்தட்ட நிரந்தர  முதலாளி போல்  ஆட்சி நடத்துகிறார்கள் .பொதுவாக மூன்று ஆண்டுகளுக்கு ஒரு முறையோ அல்லது ஐந்தாண்டுகளுக்கு ஒரு முறையோ ஊராட்சி செயலர்களை மாற்ற வேண்டும். ஆனால் வருமானம் வரும் ஊராட்சியில் செயலர்கள் தான் ஊராட்சியின் ஓனர் இவர்கள்தான் பிளான் புதிய தீர்வை மற்றும் பல பல விசயங்களுக்கு அவரே எவ்வளவு பணம் வாங்க வேண்டும் என்ற நிர்ணயம் செய்து அதை மேல் அதிகாரிகளுக்கு சிறப்பாக பகிர்ந்தளித்து தனது விசுவாசத்தை காட்டிக் கொள்கிறார்கள்.தற்போது இவர்களுடன் இணைந்து  புதிதாக உருவாக்கப்பட்ட ஒப்பந்த தொழிலாளர் அடிப்படையில் பணிபுரியும் கணினி இயக்குனர் வழியாக வசூல் வேட்டையில் அதிகாரிகள் கல்லா கட்டி வருகின்றார்கள்.