செய்தியாளர்: C.N.அண்ணாதுரை

தூத்துக்குடி,மதர் சமூக சேவை நிறுவனம் சார்பில் சமூக சேவை மனப்பான்மையோடு கடந்த 2019 ஆண்டு முதல் தொடர்ந்து 6 ஆண்டுகளாக ஒரு கோடி பனை மரம் விதைக்கும் பணியிலும் அதனைத் தொடர்ந்து பனை பாதுகாப்பு விழிப்புணர்வு முகாம், கருத்தரங்கு மற்றும் மாநாடுகளை நடத்தியும் குறிப்பாக தென் மாவட்டங்களில் பனை விழிப்புணர்வை ஏற்படுத்தி வருகிறார்.

பனைமரம் தமிழர்களின் அடையாளம். பனையின் வேர் முதல் நுனி வரை பயன் தருகிறது. எனவே இதற்கு ‘கற்பகதரு’ என்று பெயர். இதில் 801 பயன்பாட்டு பொருட்கள் இருப்பதாக ‘தாலவிலாசம்’ என்ற நுால் கூறுகிறது. பனைமரம் பல்லுயிர் களின் வாழிடமாக உள்ளது.

நன்கு காய்ந்த பனங்கொட்டையை விதைத்தால் மூன்று மாதங்களில் பனங்கன்று உற்பத்தியாகும். நட்ட ஒன்பது முதல் பத்து ஆண்டுகளில் பருவத்திற்கு வந்து விடும்.

நீர்ப்பாசன வசதி இருந்தால் விரைவில் வளர்ந்து விடும். 120 ஆண்டுகள் வரை பயன் தரும்.
ஆனால் தற்போது விளைநிலங்கள் எல்லாம் கொஞ்சம் கொஞ்சமாக அழிந்து வருகின்றன அத்தோடு பனைமரம் அழிந்து வருகின்றன இதை மீட்டெடுக்க நம்மால் முயன்று முயற்சி பனை விதைகளை விதைப்போம் அந்த வகையில்,

மன் கீ பாத் (மனதின் குரல்) நிகழ்ச்சியில்;

இச்சேவையை அறிந்த பிரதமர் நரேந்திர மோடி மன் கீ பாத் நிகழ்ச்சியில்-2021 ஆம் ஆண்டு நவம்பர் மாதம், அன்றைய நிகழ்ச்சியில், மதர் சமூக சேவை நிறுவனத்தின் சேவையையும் அதன் இயக்குனர் டாக்டர் எஸ்.ஜே கென்னடியின் பனை விதைகள் நடும் பணியினையும் பாராட்டினார்.

இது பொது மக்கள் மத்தியில் மிகுந்த வரவேற்பையும் மேலும் இந்திய அளவில் விழிப்புணர்வு ஏற்படுத்தி உள்ளது. இதனால் தமிழகத்தில் மட்டுமல்லாது பிற மாநிலங்களிலும் தற்போது பனை மர விதைகளை விதைத்து வருகிறார்கள்.

மதர் சமூக சேவை நிறுவனத்தின் இயக்குனர் டாக்டர் எஸ்.ஜே கென்னடி முயற்சிக்கு மாபெரும் ஆதரவு கிடைத்துள்ளது. இந்த பாராட்டு மற்றும் ஊக்கத்தினால் தீவிரமாக பனை விதை நடும் பணியை செயல்படுத்தி வருவதோடு பனை விதைகளை சேகரிப்பு பணியை தீவிர படுத்தியுள்ளார்.