December 1, 2025
#தூத்துக்குடி

தூத்துக்குடி அன்னம்மாள் கல்வியியல் கல்லூரி பட்டமளிப்பு விழா, அமைச்சர் கீதாஜீவன் பங்கேற்பு

தூத்துக்குடி அன்னம்மாள் கல்வியியல் கல்லூரி பட்டமளிப்பு விழாவில் அமைச்சர் கீதாஜீவன் கலந்துகொண்டு மாணவிகளுக்கு பட்டங்களை வழங்கினார்.


தூத்துக்குடி அன்னம்மாள் மகளிர் கல்வியியல் கல்லூரியில் 19.07.25 இன்று தமிழ்நாடு ஆசிரியர் கல்வியியல் பல்கலைக்கழகத்தின் கீழ் 2021-2023 கல்வியாண்டில் இளங்கலை மற்றும் முதுகலை கல்வியியல் பயின்ற ஆசிரிய மாணவியருக்கு 63 வது பட்டமளிப்பு விழா நடைபெற்றது.

கல்லூரி வளாகத்தில் நடைபெற்ற இந்த விழாவில், சமூகநலன் மற்றும் மகளிர் உரிமைத்துறை அமைச்சர் பெ.கீதாஜீவன், சுப்பையா தர்மநிதியின் அறங்காவலர் செ. கௌதமன் மற்றும் கல்லூரி செயலர் முரளிதரன் ஆகியோர் தலைமை வகித்தனர்.

முன்னதாக கல்லூரி முதல்வர் முனைவர் ஜாய்சிலின் சர்மிளா அனைவரையும் வரவேற்றார். சமூகநலன் மற்றும் மகளிர் உரிமைத்துறை அமைச்சரும், தூத்துக்குடி வடக்கு மாவட்ட திமுக செயலாளருமான கீதாஜீவன் சிறப்பு விருந்தினராகக் கலந்துகொண்டு 9 முதுகலை கல்வியியல் மாணவியர், 77 இளங்கலை கல்வியியல் மாணவியர் மற்றும் மாணவ ஆசிரியர்களுக்குப் பட்டங்களை வழங்கி, வாழ்த்துரை வழங்கினார். 

விழாவில் கல்லுாரியின் நிர்வாகக்குழு உறுப்பினர்கள், கல்லூரி பேராசிரியர்கள், பெற்றோர்கள், மாணவியர் என பலர் கலந்துகொண்டு சிறப்பித்தனர்.