தூத்துக்குடி மாநகராட்சி தெற்கு மண்டலம் 49வது வார்டுக்குட்பட்ட 3சென்ட் அந்தோனியார் புரத்தில் சட்ட மாமேதை அண்ணல் அம்பேத்கார் திருவுருவச் சிலை உள்ளது. நான்கு முக்கு சாலை சந்திப்பில் அமைந்துள்ள அண்ணல் அம்பேத்கர் சிலையை சுற்றிலும் இரவு நேரத்தில் போதிய வெளிச்சம் இல்லாத நிலை இருந்து வந்தது. இந்நிலையில் இப்பகுதி மக்கள் அண்ணல் அம்பேத்கர் சிலைக்கு முன்பு மின்விளக்கு வசதி செய்து தர கோரிக்கை விடுத்தனர். அவர்களின் கோரிக்கையினை ஏற்ற மேயர் ஜெகன் பெரியசாமி, சூரிய சக்தி மின் விளக்கு அமைத்துக் கொடுத்தார். இன்றைய நிகழ்ச்சியில் மக்களின் பயன்பாட்டிற்க்காக சூரிய சக்தி மின் விளக்கை இயக்கி வைத்த மேயர் ஜெகன் பெரியசாமி, அம்பேத்கர் திருவுருவச் சிலைக்கு மாலை அணிவித்து வணங்கி மரியாதை செலுத்தினார். பின்னர் மக்களுக்கு இனிப்புகள் வழங்கி அங்கு கூடியிருந்த பெண்களிடம் கோரிக்கைகளை கேட்டறிந்தார்.

நிகழ்ச்சியில் வட்ட கழக செயலாளரும் முன்னாள் மாமன்ற உறுப்பினருமான ரவீந்திரன், 49 வது வட்ட திமுக செயலாளர் மூக்கையா, மாமன்ற உறுப்பினரும் திமுக தகவல் தொழில்நுட்ப அணி தூத்துக்குடி சட்டமன்றத் தொகுதி (மகளிர்) ஒருங்கிணைப்பாளர் வைதேகி, திமுக வட்ட பிரதிநிதிகள் பாபு, அவைத் தலைவர் பெரியசாமி, வட்ட துணை செயலாளர்கள் மரியதாஸ், மாலினி, சாந்தி, பொருளாளர் வெங்கடாச்சலம், மற்றும் திமுக நிர்வாகிகள் பொதுமக்கள் ஏராளமானோர் கலந்து கொண்டனர். இப்பகுதி மக்களின் கோரிக்கைகளுக்கு உடனடியாக செவிசாய்த்து நடவடிக்கை எடுத்து அம்பேத்கர் சிலைக்கு சூரிய ஒளி விளக்கு அமைத்துக் கொடுத்த மேயர் ஜெகன் பெரியசாமிக்கு 49 வது வார்டு பொதுமக்கள், காங்கிரஸ், விடுதலை சிறுத்தைகள் கட்சியினர் மற்றும் உப்பளத் தொழிலாளர்கள் நன்றி தெரிவித்தனர்.