தூத்துக்குடி: செப் 5;

தூத்துக்குடி லயன் டவுனில் உள்ள பரிசுத்த சகாய மாதா ஆலய பங்கும், எஸ்.ஆர் இருதய சிகிச்சை மையமும் இணைந்து இன்று மாபெரும் இலவச பொது மருத்துவம் மற்றும் இருதய பரிசோதனை முகாமை  நடத்தினர். 

இம்முகாம் லயன் டவுன் சகாய மாதா ஆங்கிலப் பள்ளி வளாகத்தில் காலை 8.30 மணி முதல் மதியம் 2.30 மணி வரை நடைபெற்றது.

இதில் பொது மக்களுக்காக பல்வேறு மருத்துவ பரிசோதனைகள் மற்றும் இலவச மருத்துவ ஆலோசனைகள் இலவசமாக வழங்கப்பட்டன.

முகாமில் இரத்த அழுத்தம், இரத்த சர்க்கரை அளவு கொலஸ்டிரால் அளவு  மற்றும் ECG பரிசோதனைகள் செய்யப்பட்டன அதேவேளையில் பிறவியிலேயே உள்ள இருதய குறைபாடுகள் போன்ற நோய்களுக்கு சிறப்பு மருத்துவ ஆலோசனைகள் வழங்கப்பட்டன.  மக்கள் தங்களின் உடல்நலத்தை பராமரிப்பதற்கான வழிமுறைகள் குறித்தும் மருத்துவர்கள் விழிப்புணர்வு ஏற்படுத்தினர்.

இம்முகாமில் அருட்தந்தை பிரதீபன் (சகாய மாதா ஆலய பங்குத்தந்தை), மருத்துவர் சகாயா பிரான்சிஸ் அகிஸ்டன் (M.D., Gen. Med) D.M cardiology, மற்றும் மருத்துவ  நிபுணர்கள்  டெக்னீசியன்கள் கலந்து கொண்டு மக்களுக்கு சேவையாற்றினர்.

 இதனால் இப்பகுதியைச் சேர்ந்த நூற்றுக்கணக்கான மக்கள் இலவச முகாமில் பங்கேற்று  மருத்துவ பரிசோதனை மற்றும் ஆலோசனைகளை பெற்றனர். மக்கள் நலனுக்காக இதுபோன்ற முகாம்கள் தொடர்ச்சியாக நடத்தப்பட வேண்டும் என மக்கள் தெரிவித்தனர். மேலும் இந்த முகாமை ஏற்பாடு செய்த சகாய மாதா ஆலய பங்குக்கும் எஸ் ஆர் மருத்துவமனைக்கும் முகாமில்  சிகிச்சைக்கு வந்தவர்கள் நன்றியை தெரிவித்துக் கொண்டனர்.