பள்ளி பருவம் மனதை கொள்ளை கொள்ளும் பருவம்,
கவலை இன்றி பட்டாம்பூச்சி போல்
சிறகடித்து பறக்கும் மனது..!
இந்த மாணவ மாணவிகளோடு
கனிமொழி எம்.பி அவர்களின் பயணம்..மாணவ மாணவிகளுக்கு ஒரு உத்வேகத்தை கொடுத்தது.ஒவ்வொரு மாணவ மாணவிகள் முகத்தில் பூ போன்ற மென்மையான மகிழ்ச்சி புன்முறுவல் கரைபுரண்டோடியது அந்த இளம் பூக்களின் நடுவில் கனிமொழி அவர்களும் கலந்து கொண்டு புன்னகையுடன் ஒரு பயணம்.
தூத்துக்குடி மாவட்டம், ஆதிச்சநல்லூரில் அமைந்துள்ள உலகத் தரம் வாய்ந்த ஆன் சைட் அருங்காட்சியகத்தை, திமுக துணைப் பொதுச் செயலாளரும், நாடாளுமன்ற குழுத் தலைவருமான கனிமொழி கருணாநிதியுடன் 130க்கும் மேற்பட்ட பள்ளி மாணவ, மாணவிகள் கண்டு ரசித்தனர்.
அதேபோல் கீழவல்லநாடு அரசு மாதிரிப் பள்ளி மாணவ மாணவிகளுக்கு அகழாய்வு பணியில் கண்டுபிடிக்கப்பட்ட தொல்பொருள்களைப் பற்றி கனிமொழி கருணாநிதி எம்.பி விளக்கமளித்தார்.
கடந்த மாதம் 6ஆம் தேதி அன்று கீழவல்லநாடு ஊராட்சியில் உள்ள அரசு மாதிரி மேல்நிலைப் பள்ளியில் மாணவ மாணவிகளுடன் கனிமொழி கருணாநிதி கலந்துரையாடினார். அப்போது மாணவர் ஒருவர்
ஆதிச்சநல்லூர் சைட் மியூசியத்தை பார்வையிட வேண்டும் என்று கோரிக்கை வைத்தார். அதன்படி (24/08/2024) மாணவர்கள் முன்வைத்த கோரிக்கையை ஏற்றுத் தூத்துக்குடி அரசு மாதிரி பள்ளி மாணவ, மாணவிகளுடன் பேருந்தில் பயணித்து ஆதிச்சநல்லூர் தொல்லியல் அருங்காட்சியகத்தைப் பார்வையிட அழைத்துச் சென்றார்.
தூத்துக்குடி மாநகராட்சி மேயர் ஜெகன் பெரியசாமி, எழுத்தாளர் முத்தாலங்குறிச்சி காமராசு, அரசு மாதிரி மேல்நிலைப் பள்ளி தலைமை ஆசிரியர், பள்ளி ஆசிரியர்கள் உள்ளிட்ட பலர் கலந்து கொண்டனர்.
தூத்துக்குடி மாவட்டம் ஆதிச்சநல்லூர் உலக நாகரிகம் தொட்டில் என அழைக்கப்படுகிறது. உலக அளவில் மிகவும் புகழ் பெற்றது. 
தமிழரின் நாகரீகம் என போற்றப்படும் இந்த இடத்தில் இந்தியாவிலேயே முதல் சைட் மியூசியம் அமைக்கப்பட்டது. இந்த மியூசியம் கடந்த வருடம் ஆகஸ்ட் மாதம் கனிமொழி கருணாநிதி எம்.பி முன்னிலையில் மத்திய நிதி அமைச்சர் நிர்மலா சீதாராமன் துவக்கி வைத்தார். துவங்கிய நாள் முதல் இந்த இடத்தை பார்வையிட உலகத்தில் பல்வேறு இடங்களிலிருந்து தமிழர்கள் வந்த வண்ணம் உள்ளனர்.
