தூத்துக்குடி மாநகராட்சி பகுதியில் கடந்த இரண்டு நாட்களாக வடகிழக்கு பருவமழை காரணமாக தொடர்ந்து கனமழை பெய்து வரும் நிலையில், மக்கள் குறைகளை உடனடியாக தீர்க்க கட்டணமில்லா தொலைபேசி சேவை செயல்படுத்தப்பட்டுள்ளதாக மேயர் ஜெகன் பொனியசாமி தெரிவித்தார்.
திமுக தலைவர் மற்றும் தமிழக முதலமைச்சர் மு.க. ஸ்டாலின் உத்தரவின்படி, மாநகராட்சி பகுதிகளில் பல்வேறு பொதுப்பணிகள் மேற்கொள்ளப்பட்டு வரும் நிலையில், மழைநீர் தேங்கக்கூடிய பகுதிகள் அனைத்திலும் நேரடியாக ஆய்வு செய்யும் பணிகள் தொடர்ந்து நடைபெற்று வருவதாகவும் அவர் கூறினார்.
தற்போது மாநகரப் பகுதிகளில் பெய்து வரும் கனமழையால் ஓடைகள் மற்றும் வடிகால்கள் முழு திறனுடன் நீரேற்றம் செய்து வருவதாகவும், இதுவரை புறநகர் பகுதிகளில் இருந்து மாநகரப்பகுதிக்குள் மழைநீர் புகுதல் எதுவும் பதிவாகவில்லை என்றும் மேயர் தகவல் தெரிவித்தார்.
மழை குறைந்தவுடன் தேங்கியுள்ள நீர் படிப்படியாக குறையும் என்றும், மழை தொடர்பான புகார்களுக்கு மக்கள் 1800 203 0401 என்ற கட்டணமில்லா எண்ணில் எந்நேரமும் தொடர்புகொள்ளலாம். அதேபோல் தங்களது பிரத்தியேக தொலைபேசியிலும் நேரடியாக தகவலை தெரிவிக்கலாம் என்றும் அவர் கூறினார். மக்கள் நலன் முக்கியம் என்பதனை கருத்தில் கொண்டு மாநகராட்சி அதிகாரிகள், அலுவலர்கள் மற்றும் அந்தந்த பகுதி மக்கள் பிரதிநிதிகள் தொடர்ந்து மழை கண்காணிப்பு பணிகளில் ஈடுபட்டு வருவதாக மேயர் ஜெகன் பெரியசாமி தெரிவித்தார்.
