தூத்துக்குடி மாவட்டம் எட்டையபுரம் அருகே உள்ள இனம் அருணாசலபுரம் கிராமத்தில் இயங்கி வந்த ஜேஸ்மின் பட்டாசு தொழிற்சாலையில் இன்று (29.08.2025) மதியம் 2.30 மணியளவில் திடீர் வெடி விபத்து ஏற்பட்டது.

இதில் தொழிற்சாலை மேலாளராக  பெரிய வேலுச்சாமி மகன் கந்தசாமி பணிபுரிந்தார்  அவர் இந்த கோர விபத்தில் உயிரிழந்தார். இவர் விருதுநகர் மாவட்ட முன்னாள் திமுக துணைச் செயலாளர் விஸ்வநத்தத்தின் உறவினர் எனத் தெரியவந்துள்ளது.

இந்த விபத்தின் போது சுமார் 10 கி.மீ தூரத்திற்கு அதிர்வலை உணரப்பட்டதாகவும், மக்கள் அச்சத்துடன் வீடுகளை விட்டு வெளியேறியதாகவும் கூறப்படுகிறது. “இந்த ஆலையில் இது முதல் முறையாகவே உயிரிழப்பை ஏற்படுத்தும் விபத்து நிகழ்ந்துள்ளது. இது இன்னும் பெரிய அச்சுறுத்தலுக்குச் சான்று” எனவும் அவர் குறிப்பிட்டார்.

அரசின் அலட்சியத்தை சுட்டிக்காட்டிய அவர்,

“சிவகாசியில் அடிக்கடி விபத்துகள் நடப்பதால் அங்குள்ள ஆலையை அரசு கட்டுப்படுத்துகிறது. ஆனால் அதே அரசு எட்டையபுரம், முத்துலாபுரம், இனாம் அருணாசலபுரம், கருப்பூர், மேலக்கரந்தை, நாட்டுக்குறிச்சி, மாசார்பட்டி, அயன் ராஜாபட்டி, அயன் வடமலாபுரம் போன்ற பசுமை நிறைந்த கிராமங்களில் முப்பதுக்கும் மேற்பட்ட பட்டாசு ஆலைகளை அனுமதித்தது எப்படி நியாயமாகும்?” என கேள்வி எழுப்பினார்.

இப்பகுதி பெரும்பாலும் விவசாயத்தை சார்ந்த கிராமங்கள் ஆகும். “நம் பசுமை நிலங்களை அழித்து, மரண ஆலைகள் நுழையக் கூடாது” என மக்கள் வலியுறுத்துகின்றனர்.“விவசாயப் பகுதிகளில் பட்டாசு ஆலைகள் செயல்படக் கூடாது. கோர விபத்துக்கு காரணமாகும் ஆலைகளுக்கு அனுமதி வழங்க வேண்டாம்” என்று கரிசல் பூமி விவசாயிகள் சங்கத் தலைவர் அ. வரதராஜன் மீண்டும் வலியுறுத்தியுள்ளார்.