by,CN. அண்ணாதுரை

தூத்துக்குடி மாநகரில் பிரசித்தி பெற்ற மிகவும் பழமை வாய்ந்த பாகம்பிரியாள் உடனுறை சங்கர ராமேஸ்வரர் திருக்கோவிலில் ஆண்டுதோறும் நடைபெறும் சித்திரை திருவிழா, ஐப்பசி திருவிழா,மகாசிவராத்திரி, கந்தசஷ்டி பெருவிழா, பிரதோஷ வழிபாடு உள்ளிட்ட போன்ற விழாக்கள் நடைபெற்று வருகிறது.அதில் குறிப்பாக இன்று மகாசிவராத்திரி 

இந்த திருவிழாவின் போது பல்லாயிரக்கணக்கான பொதுமக்கள், பக்தர்கள் கலந்து கொள்கின்றனர். இந்நிலையில் இன்று மகாசிவராத்திரியை முன்னிட்டு இரவு முழுவதும் சிறப்பு கால பூஜைகள் மற்ற  தொடர்ந்து நடைபெறும். இரவு முழுவதும் பக்தர்கள் ஓம் நமசிவாய என்ற ஐந்தெழுத்து மந்திரத்தை எழுதுவதற்கு வரும் நிலையில் திருக்கோவிலின் பின்புறம் போதிய வெளிச்சம் இல்லாமல் இருப்பதாக கோவில் நிர்வாகம் சார்பில் மாநகராட்சி மேயர் ஜெகன் பெரியசாமியிடம் தெரிவித்தனர்.

இதனையடுத்து சில தினங்களுக்கு முன்பு சிவன் கோவிலுக்கு நேரில் சென்று மேயர் ஜெகன் பெரியசாமி ஆய்வு செய்தார். அப்போது பக்தர்கள் திருக்கோவிலின் பின்புறம் போதிய வெளிச்சம் இல்லாமல் இருக்கிறது மேலும் சன்னிதானத்தில் உள்ளே குளிர் சாதனங்கள் AC வேலை செய்யவில்லை, என்று மேயர் ஜெகன் பெரியசாமியிடம் கோரிக்கை வைத்திருந்தனர்.

உயர் கோபுர மின் விளக்கு:

இதனையடுத்து சிவன் கோவில் பின்புறம் உயர் கோபுரம் மின் விளக்கு தனது சொந்த செலவில் மேயர் ஜெகன் பெரியசாமி அமைத்து அதனை பார்வையிட்டு அங்கு இருந்த பக்தர்கள் மற்றும் பொதுமக்களிடம் தற்போது மின்விளக்கு வசதிகள் குறித்தும் வெளிச்சம் போதுமானதாக உள்ளதா என்று மேயர் கேட்டறிந்தார்.

அதற்கு  பதிலளித்த பொதுமக்கள் தற்போது கோவிலின் பின்புறம் மிகவும் வெளிச்சமாக பக்தர்களுக்கு வசதியாக உள்ளது என்று கூறினார்கள். அதன் பின்பு திருக்கோவில் சன்னிதானத்தில் உள்ள குளிர்சாதன அமைப்பு வேலை செய்யாமல் இருப்பதால் தனது சொந்த செலவில் அதனையும் சரி செய்து கொடுத்துள்ளார்.

குளுகுளு ஏசி:இன்று மகாசிவராத்திரி திருவிழா நடைபெறும் போது பல்லாயிரக்கணக்கான பக்தர்கள் பொதுமக்கள் இரவு முழுதும் சிவராத்திரி திருவிழாவில் கோவிலில் அமர்ந்திருப்பார்கள் அப்போது பக்தர்கள் குளிர்சாதன வசதியில் இருக்க வேண்டும் என்பதற்காக உடனடியாக கோவிலில் உள்ளே குளிர்சாதன வசதியை ஏற்படுத்திக் கொடுத்துள்ளார்.

மேயர் ஜெகன் பெரியசாமிக்கு கோவில் நிர்வாகம் பக்தர்கள் பொதுமக்கள் சார்பில் பாராட்டுகளை தெரிவித்தனர்.

நிகழ்ச்சியில் கோவில் தலைமை அர்ச்சகர் செல்வம் பட்டர், சிவன்கோவில் அறங்காவலர் குழு தலைவர் கந்தசாமி, அறங்காவலர் உறுப்பினர் ஆறுமுகம், மாநகராட்சி சுகாதாரக் குழு தலைவர் சுரேஷ்குமார், பகுதி செயலாளர் ரவீந்திரன், வட்டச் செயலாளர் ரவீந்திரன், மேயர் உதவியாளர் ரமேஷ், ஜேஸ்பர் உள்பட பலர் கலந்து கொண்டனர்

.