கோவில்பட்டி தமிழ்நாடு ஓய்வு பெற்ற பள்ளி கல்லூரி ஆசிரியர் நலச் சங்கம் சார்பாக வட்ட கிளை மாநாடு 30-08-2025 இன்று கோவில்பட்டி பழைய பேருந்து நிலையம் அருகில் உள்ள காந்தி மண்டபத்தில் நடந்தது.‌ தொடக்கமாக சங்க கொடியை வட்டத் துணைத் தலைவர் மல்லிகா ஏற்றி வைத்து மரியாதை செய்தார்.

வட்டத் தலைவர் சிந்தா மதார் பக்கீர் தலைமை தாங்கினார்.துணைத்தலைவர்கள் பாக்கியமுத்து, செல்லச்சாமி ஆகியோர் முன்னிலை வகித்தனர்.செயற்குழு உறுப்பினர் நாயகம் அனைவரையும் வரவேற்றார்.செயலாளர் சுதாகர் வேலை அறிக்கை பற்றியும், பொருளாளர் பொன்னுராஜ் நிதி அறிக்கை பற்றியும் விரிவாக பேசி விளக்கம் அளித்து ஒப்புதல் பெற்றார்.

மாவட்ட தலைவர் சாம்பசிவம், மாவட்டச் செயலாளர் முத்தையா, தூத்துக்குடி வட்டத் தலைவர் ஞானசேகர், தமிழ்நாடு அனைத்து துறை ஓய்வூதியர் சங்க தலைவர் மகேஸ்வரன், ஏரல் வட்ட செயலாளர் வேதமணி பாஸ்கரன், கயத்தாறு வட்டக்கிளை செயலாளர் கண்ணன் ஆகியோர் கலந்து கொண்டு வாழ்த்துரை வழங்கி பேசினார்கள். சிறப்பு அழைப்பாளராக மாநிலப் பொதுச் செயலாளர் பர்வதராஜன் கலந்து கொண்டு சங்க வரலாறு, செயல்பாடு, சமூக அரசியல், சமுதாய சூழல் விளக்கம், மற்றும் கோரிக்கைகளின் செயல்பாடு பற்றி விரிவாக விளக்கம் அளித்து பேசினார் அதன்பின்னர் செயற்குழு உறுப்பினர் சுரேஷ்குமார் நன்றி கூறினார்.

கோரிக்கைகள் :- 

• மாநில அரசின் தேர்தல் வாக்குறுதியான 70 வயது நிறைவடைந்த ஓய்வூதியர் / குடும்ப ஓய்வூதியர்களுக்கு 10% கூடுதல் ஓய்வூதியம் வழங்கிடம், 
• புதிய மருத்துவக் காப்பீட்டுத் திட்டத்தில் அனைவருக்கும் கட்டணமில்லா சிகிச்சை வழங்கிடவும், 
• சிபிஎஸ் திட்டத்தை கைவிட்டு மீண்டும் பழைய ஓய்வூதியத் திட்டத்தை அமுல்படுத்திடவும்,
• கம்யூட்டேசன் தவணை பிடித்த காலத்தை 10 ஆண்டுகளாக குறைத்திட வேண்டியும், 
• 80 வயது நிறைவடைந்தவர்களுக்கு கூடுதல் ஓய்வூதியம், கூடுதல் குடும்ப ஓய்வூதியத்தை, 80வது வயது தொடங்கும் நாளிலேயே வழங்குவதற்கு நீதிமன்றத் தீர்ப்பின் அடிப்டையில் அரசாணை வழங்கிட வேண்டியும்,
• அரசாணை 23ன்படி 01.01.2006 முதல் தொடக்கப் பள்ளித் தலைமை ஆசிரியர் களுக்கு 01.01.2011 முதல் பணப்பலன் வழங்கப்பட்டதைப் பறிக்கும் அரசு கடிதத்தை திரும்பப் பெற வேண்டியும், பி.எட்., கல்வி தகுதியுடன் நடுநிலைப்பள்ளி தலைமை ஆசிரியர் பதவி உயர்வு பெற்றவர்களுக்கு பி.எட்., உயர்கல்வி தகுதிக்கான ஊக்க ஊதியத்தை திரும்பப் பெறுவதை நிறுத்திட வேண்டியும்,

ஒன்றிய அரசே! ஓய்வூதியர்களைப் பாதிக்கும் நிதி மசோதா 2025 திரும்ப பெற வேண்டியும், மூத்த குடிமக்களுக்கு வழங்கப்பட்ட ரயில் கட்டணச் சலுகையை மீண்டும் வழங்கிட வேண்டிய கோரிக்கைகள் நிறைவேற்றப்பட்டன.

வட்ட கிளை மகா நாட்டு நிகழ்ச்சியில் ஓய்வு பெற்ற பள்ளி ஆசிரியர்கள் மற்றும் ஆசிரியர்கள் அலுவலர்கள் கல்லூரி ஆசிரியர்கள் உட்பட பல்வேறு அரசுத்துறை பிரிவு அதிகாரிகள் கலந்து கொண்டனர்.