இந்தியாவில் 18-வது மக்களவைத் தேர்தலுக்கான முதல் கட்ட வாக்குப் பதிவு 21 மாநிலங்களில் 102 தொகுதிகளில் நடந்து முடிந்துள்ளது.

தமிழ்நாட்டில் உள்ள 39 நாடாளுமன்றத் தொகுதிகள் மற்றும் புதுச்சேரியில் உள்ள ஒரு நாடாளுமன்றத் தொகுதிக்கான வாக்குப்பதிவு நேற்று நடந்தது

தூத்துக்குடி நாடாளுமன்ற மக்களவை தொகுதிக்கு உட்பட்ட வளாத்திகுளம் சட்டமன்ற தொகுதியில் 103283 ஆண் வாக்காளர்கள்,107175 பெண் வாக்காளர்கள், மற்ற 20 வாக்காளர்கள் என 2,10,578 வாக்காளர்களுக்கான  வாக்குப்பதிவுகள் 260 வாக்குச்சாவடிகளில் வாக்குப்பதிவு நடந்தது.

விளாத்திகுளம் தாசில்தார் ராமகிருஷ்ணன் தலைமையிலான தேர்தல் அதிகாரிகள் கடந்த தேர்தலைவிட இந்த ஆண்டு தேர்தல் வாக்குச்சாவடிகளில் சிறப்பான முறையில் ஏற்பாடு செய்திருந்தனா்.

மேலும், விளாத்திகுளம் உட்கோட்ட துணை காவல் கண்காணிப்பாளர் ராமகிருஷ்ணன் தலைமையில், இன்ஸ்பெக்டர் வெங்கடேஷ்பெருமாள் முன்னிலையில் பாதுகாப்பு ஏற்பாடுகள் மற்றும் நூறு சதவீதம் வாக்குப்பதிவு பற்றி விழிப்புணர்வு ஏற்படுத்தும் விதமாக போலீசார் மற்றும் துணை ராணுவத்தினர் அணிவகுப்பு

மேலும், வருவாய்த்துறை சார்பில் பல்வேறு விழிப்புணர்வு நிகழ்ச்சிகள் மூலம் பொதுமக்கள் மற்றும் இளைஞர்களிடம் விழிப்புணர்வு ஏற்படுத்தியதன் காரணமாக நடந்து முடிந்த தூத்துக்குடி நாடாளுமன்ற மக்களவைத் தேர்தலில் விளாத்திகுளம் சட்டமன்ற தொகுதியில் வாக்குப்பதிவு சதவீதமும் அதிகரித்துள்ளது.

விளாத்திகுளம் சட்டமன்ற தொகுதியில் நாடாளுமன்ற தேர்தலுக்காக சிறப்பான முறையில் ஏற்பாடுகளை செய்த அனைத்து தேர்தல் அதிகாரிகளுக்கும் அரசுத்துறை அதிகாரிகளுக்கு பொதுமக்கள் மற்றும் அரசியல் பிரமுகர்கள் வாழ்த்துக்கள் மற்றும் நன்றியை தெரிவித்துள்ளனர்.