விளாத்திகுளம் ஸ்ரீ மீனாட்சி சுந்தரேஸ்வரர் கோவில் சித்திரை திருவிழாவை முன்னிட்டு விளாத்திகுளம் பேட்மிண்டன் கிளப் சார்பில் இரண்டாம் ஆண்டு பேட்மிண்டன் போட்டியை விளாத்திகுளம் சட்டமன்ற உறுப்பினர் மார்க்கண்டேயன் தொடங்கி வைத்தார்.
விளாத்திகுளம் அம்பாள் நகரில் அமைந்துள்ள விளையாட்டு அரங்கில் விளாத்திகுளம் பேட்மிண்டன் கிளப் சார்பில் நடைபெறும் பேட்மிண்டன் போட்டியில் தூத்துக்குடி, இராமநாதபுரம், விருதுநகர் மாவட்ட வீரர்கள் பங்கு பெற உள்ளனர்.
இரண்டாம் ஆண்டு பேட்மிண்டன் துவக்க விழாவில், விளாத்திகுளம் மேற்கு ஒன்றிய திமுக செயலாளர் அன்புராஜன், புதூர் மத்திய ஒன்றிய திமுக செயலாளர் ராதாகிருஷ்ணன், விளாத்திகுளம் கிழக்கு ஒன்றிய செயலாளர் ராமசுப்பு, நகர செயலாளர் வேலுச்சாமி, விளாத்திகுளம் பேரூராட்சி மன்ற தலைவர் சூர்யா அய்யன்ராஜ், கிராம நிர்வாக அலுவலர் சித்துராஜ், தூத்துக்குடி வடக்கு மாவட்ட முன்னாள் இளைஞர் அணி துணை அமைப்பாளர் இமானுவேல், தூத்துக்குடி வடக்கு மாவட்ட இளைஞரின் துணை அமைப்பாளர் மகேந்திரன், வார்டு செயலாளர்கள் தமிழரசன், லெனின், விளாத்திகுளம் சட்டமன்ற தொகுதி தகவல் தொழில்நுட்ப அணி ஒருங்கிணைப்பாளர் ஸ்ரீதர், விளாத்திகுளம் சட்டமன்ற தொகுதி சமூகவலைதள அணி ஒருங்கிணைப்பாளர் கரண்குமார் உட்பட விளையாட்டு வீரர்கள் கலந்து கொண்டனர்.
