தூத்துக்குடியில் புதியதோர் உதயம் காமாட்சிபாலி கிளினிக் இன்று திறந்து வைக்கப்பட்டது.

இவ்விழாவில் தலைமை விருந்தினராக தூத்துக்குடி மாநகராட்சி மேயர் ஜெகன் பெரியசாமி கலந்து கொண்டு, மருத்துவமனை திறந்து வைத்தார்.

மகப்பேறு மற்றும் மகளிர் நோய் நிபுணரான மருத்துவர் லலிதா சுப்ரமணியன் இவ்விழாவில் பேசியதாவது:

பல்வேறு துறைகளைச் சேர்ந்த சிறப்பு மருத்துவர்கள் இங்கு சேவையாற்ற உள்ளார்கள் அதுமட்டுமின்றி கிராமப்புறங்களில் வாழும் பெண்களுக்கு புற்றுநோய் விழிப்புணர்வு ஏற்படுத்தும் நோக்கில், குறிப்பாக மார்பகப் புற்றுநோய் பரிசோதனை செய்ய திட்டமிட்டுள்ளோம். மேலும், பெண்கள் புற்றுநோயுடன் தொடர்புடைய தோல் நோய்கள் தொடர்பிலும் பரிசோதனைகள் நடைபெறும். 100 நாள் வேலைத்திட்டத்தில் ஈடுபடும் பெண்களுக்கு, மதிய உணவு இடைவேளையில்,  புற்றுநோய் கண்டறி ஸ்கேன் பரிசோதனை செய்ய ஏற்பாடு செய்யப்படும். இதன் மூலம் நோய்களை ஆரம்பத்திலேயே கண்டறிந்து சிகிச்சை அளிக்க முடியும்” என்றார்.

இதனைத் தொடர்ந்து மேயர் ஜெகன் பெரியசாமி கூறியதாவது:

கிராமப்புற பெண்களுக்கு புற்றுநோயை கண்டறியும் சேவை மிக முக்கியமான தேவையாகும் காரணம் இந்த நோய் வருவது முதலில் தெரியாது அதை ஆரம்பத்தில் தெரிந்து கொண்டால் அதற்குத் தேவையான சிகிச்சை  எடுத்துக் கொள்ளலாம். குறிப்பாக புற்றுநோய் மற்றும் குடல் காஸ்ட்ரோலஜி சம்பந்தப்பட்ட சிகிச்சைகள் பலருக்கு உயிர் காக்கும் உதவியாக இருக்கும். இந்த மருத்துவமனை சேவைகள் மக்களுக்கு பெரும் நன்மை தரும்” என்று பாராட்டினார்.

.