சுமார் 1000 ஆண்டுகள் பழ—மையான சதய விழா கண்ட சங்கரன்கோவிலின் அடையாளமாய் வீற்று இருக்கும் பெரிய கோவில் என்று அழைக்கப்படும் சங்கரநாராயணர் கோவில் கும்பாபிஷேகம் விழா வருகின்ற ஆகஸ்ட் 23-ஆம் தேதி நடைபெற இருக்கிறது.

கும்பாபிஷேக அழைப்பிதழை கோவில் அறங்காவலர் குழு உறுப்பினர் இராமகிருஷ்ணன் மற்றும் திருக்கோவில் இணை ஆணையர் கோமதி மற்றும் கோவில் பட்டர்கள் இணைந்து, திருச்சி நாடாளுமன்ற உறுப்பினரும் மதிமுக தலைமை நிலைய செயலாளர் துரை வைகோவை சந்தித்து அவரது சென்னை அண்ணாநகர் இல்லத்தில் வைத்து வழங்கினார்.

கடந்த 2022-ஆண்டு அக்டோபர் மாதம் 16-ஆம் தேதி துரைவைகோ  சங்கரன்கோவில் சங்கரநாராயணர் கோவிலுக்கு தரிசனத்திற்கு சென்று இருந்த போது கோவில் பணியாளர்கள், மற்றும் திருக்கோவில் அர்ச்சகர் சங்கத் தலைவர் மோகன் பட்டர் தலைமையில்  இந்த கோவிலுக்கு கட்டுமான பணிகள் நடத்தி தர உதவ வேண்டும் எனவும் கும்பாபிஷேகம் நடத்தப்பட வேண்டும், திருக்கோவில் பணியாளர்களுக்கு ஓய்வு ஊதிய தொகை மூன்றாயிரத்திலிருந்து ஐந்தாயிரமாக உயர்த்தி தர வேண்டும் என்பன உள்ளிட்ட 7  கோரிக்கைகளை அளித்தனர்.

அந்த கோரிக்கைகள் தொடர்பாக இருமுறை இந்து அறநிலையத்துறை அமைச்சர்  சேகர்பாபுவை சந்தித்து துரை வைகோ முறையிட்டார்.

துரை வைகோவின் கோரிக்கையின் அடிப்படையில் தற்போது கட்டுமான பணிகள் முடிவடைந்து வரும் ஆக.23-ஆம் தேதி சங்கரன்கோவில் சங்கரநாராயணர் கோவில் கும்பாபிஷேகம் கோலாகலமாக நடைபெற உள்ளது.