தூத்துக்குடி: தெர்மல் நகர் மனமகிழ் மன்றம் சார்பாக மறைந்த தெர்மல் நகரைச் சார்ந்த கால்பந்தாட்ட வீரர் கருப்பசாமி அவர்கள் நினைவாக நடைபெற்ற மாவட்ட அளவிலான கருப்பசாமி செவன் ஸ் கால்பந்தாட்ட போட்டி 18,19 ஆகிய இரு தினங்கள் மிகச் சிறப்பாக நடைபெற்றது. இந்த போட்டியில் 24 அணிகள் கலந்து கொண்டனர் போட்டியில் முதலாவது பரிசுக்கான கோப்பையை பொன்னுரங்கம் கால்பந்தாட்ட அணியும், இரண்டாவது பரிசுக்கான கோப்பையை கருப்பசாமி நினைவு கால்பந்தாட்ட அணியும், மூன்றாவது பரிசுக்கான கோப்பையை ஏ எஸ் எப் சி அணியும், நான்காவது பரிசுக்கான கோப்பையை சாமி ஜே ஆர் அணியும் கைப்பற்றியது.
பரிசளிப்பு விழா நிகழ்ச்சியில் சிறப்பு விருந்தினர்களாக மருத்துவர் மகிழ் ஜீவன், அனல் மின் நிலைய தலைமை பொறியாளர் ஜஸ்டின் ஜகதீப் குமார், மேற்பார்வை பொறியாளர்கள் ஏ. சிவக்குமார், எம்.கோபால்
ஆகியோர் கலந்து கொண்டு பரிசினை வழங்கினர் செயற்பொறியாளர் சின்னையா, முதுநிலை விளையாட்டு அலுவலர் மங்களா. எஸ்.ஜெயபால், கணேசன் மற்றும் முதல் மூன்று கோப்பைகளுக்கு ஸ்பான்சர்ஷிப் வழங்கிய லீலா குழுமத்தின் இயக்குனரும் மாவட்ட திமுக பொறியாளர் அணி அமைப்பாளரும்மான திரு.பா.அன்பழகன் கலந்து கொண்டு விழாவை சிறப்பித்தனர் போட்டியினை மனமகிழ் மன்ற பொதுச் செயலாளர் ராபின், விளையாட்டு துறை செயலாளர் நேசன் ராபர்ட் கென்னடி, கலைத்துறை செயலாளர் ஜவஹர், மனமகிழ் மன்ற நிர்வாகிகள் மற்றும் சஞ்சய் தலைமையிலான தெர்மல் நகர் இளைஞர்கள் ஏற்பாடு செய்தனர்.
